Heroinë nga Shqipëria në Itali, arrestohen 10 vetë, mes tyre edhe shqiptarë

VERONA- Dhjetë persona mes të cilëve shqiptarë janë vënë në pranga në verona të Italisë për trafik droge, veçanërisht heroine. Lajmi jepet sot nga mediat italiane, pa bërë të ditur emrat e të arrestuarve.

Sipas policisë, sqarohet se banda merrej me trafikun e drogës, në mënyrë të veçantë të heroinës nga Shqipëria në drejtim të Italisë.

Operacioni i koduar "Truck 2010'' ka zgjatur nëntë muaj dhe nisi me arrestimin e një gruaje shqiptare së bashku me një shoqëruesin e saj po shqiptar, që u kapën me 12,5 kg heroinë.

Sipas të dhenave të policisë, droga transportohej me kamionë dhe gjatë gjithë kohës që janë pasur nën vëzhgim kanë trafikuar rreth 100 kg heroinë.

Sulmet terroriste, arrestohen 10 të dyshuar

Prokurorët belgë thanë se 10 terroristë të dyshuar janë arrestuar gjatë një sulmi anti-terror në Belgjikë, Hollandë dhe Gjermani.

Në një deklaratë, që prokurorët bënë sot në Bruksel, thuhet se disa nga të ndaluarit dyshohet se planifikonin sulme në Belgjikë, ndërsa të tjerët dyshohet të jenë rekrutues për një organizatë terroriste çeçene.

Të dyshuarit janë identifikuar si belgë, marokenë, holandezë dhe rusë.

Ndërkohë në Norvegji, një çantë me eksplozivë të rremë u zbulua në një aeroport në Bergen. Aeroporti u mbyll për tre orë, ndërsa skuadrat kontrolluan ndërtesën.

Policia tha se çanta i përkiste një punonjësi të Ministrisë së Mbrojtjes. Pas kësaj aeroporti u rihap. (VOA)