Aksidente në Korcë e Pukë, vdesin 3 persona

Sorry, I could not read the content fromt this page.

Ndotja e detit Kroacia i kërkon shpjegime Shqipërisë

Sorry, I could not read the content fromt this page.

Mungon avokati shtyhet seanca ndaj Aldo Bares

Mungon avokati shtyhet seanca ndaj Aldo BaresTIRANË- Gjykata e Krimeve të Rënda ka shtyrë sot seancën e radhës ndaj Alfred Shkurtit, i njohur si Aldo Bare, i cili akuzohet si drejtues i "Bandës së Lushnjes". Shkak për pezullimin e kësaj seance, ku pritej të dëshmonin disa dëshmitarë të prokurorisë, është bërë mungesa e perfaqesuesit të mbrojtjes ligjore të Aldo Bares.

Seancat e fundit ndaj Aldo Bares janë shoqeruar me tensione, pasi i pandehuri ka lëshuar ofendime dhe kërcenime ndaj autoriteteve, lidhur me pronat e tij të sekuestruara, si në rastin e Lagunës së Karavastasë.

Aldo Bare është prej disa muajsh në procedimin e Gjykatës së Krimeve të Rënda, pasi akuzohet per një sërë veprash të renda penale, nder të cilat disa vrasje, të ndodhura vite me pare në Lushnje.
(m.a/ata/BalkanWeb)

Kolegjet e Bashkuara s'kanë gjyqtarë për Kumbaron

Mungesa e disa anëtarëve për shkaqe shëndetësore dhe mosvotimi i anëtarëve të rinj në Kuvend bllokon Gjykatën e Lartë

Dështon vlerësimi i arrestit ndaj ish- zyrtarit të SHISH, i akuzuar për rrëmbimin e Remzi Hoxhës

TIRANË- Mungesa e gjyqtarëve në Gjykatën e Lartë, bllokon mbledhjen e Kolegjeve të Bashkuara të Gjykatës së Lartë për shqyrtimin e kërkesës së Prokurorisë së Përgjithshme për rivlerësimin e masës së sigurisë në mungesë ndaj të pandehurit Ilir Kumbaro, i akuzuar për rrëmbimin e Ziso Kristopulit, Avdyl Loshajt dhe Remzi Hoxhës.

Shqyrtimi i kërkesës së prokurorisë, ishte parashikuar muaj më parë, por mungesa e gjyqtarëve të Gjykatës së Lartë, bëri që të shtyhet seanca gjyqësore për një datë të pacaktuar.

"Shkak për marrjen e vendimit të shtyrjes së kësaj çështjeje, por edhe të një tjetër çështje të rëndësishme të Kolegjeve të Bashkuara, është bërë mosfunksionimi me trupë të plotë gjyqësorë të Kolegjeve të Bashkuara për arsye të vendeve ende të paplotësuara me tre anëtarë të Gjykatës së Lartë",-theksoi dje kryesuesi i trupës së gjyqtarëve të Gjykatës së Lartë, Adrian Dvorani, duke iu referuar mos votimit në Kuvend të tre dekreteve të Presidentit për kandidatët në Gjykatën e Lartë. Presidenti ka dekretuar në shtator të këtij viti gjyqtarët Edmond Islamaj, Shkëlzen Selimi dhe Manjola Bejleri si kandidatë për në Gjykatën e Lartë.

Por, grupi i Partisë Demokratike, i iniciuar nga deputeti Viktor Gumi, ka dorëzuar në Gjykatën Kushtetuese një kërkesë, duke i kërkuar këtij institucioni interpretimin e tre neneve, që kanë të bëjnë me ripërtëritjen e mandatit të anëtarëve të Gjykatës së Lartë dhe Kushtetuese.

Bazuar në këtë kërkesë, Kuvendi me shumicë votash (të mazhorancës) vendosi pezullimin e votimit të tre kandidatëve për në Gjykatën e Lartë, deri sa të shprehet Gjykata Kushtetuese për kërkesën e deputetit Gumi.

Ndërkohë, arsyeja tjetër që u bë shkak për shtyrjen e seancës gjyqësore, ishte edhe pamundësia e pjesëmarrjes së kryetares së Gjykatës së Lartë, znj.Shpresa Beçaj dhe kryetarit të Kolegjit Penal, z.Gani Dizdari në këtë mbledhje, për shkak të gjendjes jo të mirë shëndetësore, që janë detyruar të bëjnë pushim.

Gjithashtu, u mësua se në gjykimin e "dosjes Kumbaro" nuk mund të merrnin pjesë edhe dy gjyqtarë të kësaj gjykate, gjyqtari Medi Bici pasi është shprehur për këtë çështje kur ishte gjyqtari i Apelit të Krimeve të Rënda.

Dhe gjyqtarja Mirela Fanaj, pasi bashkëshorti i kësaj të fundit avokat Neshat Fanaj, ka qenë mbrojtësi ligjor i njërit nga të pandehurit e kësaj dosjeje, ku akuzohet edhe Kumbaro.

Kështu që nga 14 gjyqtarët që janë aktualisht në Gjykatë të Lartë, në mbledhjen e djeshme u mblodhën vetëm 10 prej tyre, çka sipas ligjit nuk mund të shqyrtojnë asnjë çështje si Kolegj i Bashkuar i kësaj gjykate.

"Në bazë të Nenit 16 të Ligjit Nr.8588, të datës 15 mars 2000 "Për organizimin dhe funksionimin e Gjykatës së Lartë të Republikës së Shqipërisë", Kolegjet e Bashkuara gjykojnë vetëm kur në to marrin pjesë jo më pak se dy të tretat e të gjithë gjyqtarëve të Gjykatës së Lartë, që do të thotë jo më pak se 12 anëtarë të saj"-thuhet në burimet zyrtare të Gjykatës së Lartë, çka bëri që seanca e djeshme të shtyhet.

Remzi Hoxha, biznemseni shqiptaro- maqedonas, u rrëmbye në vitin 1995 në Tiranë. Për këtë ngjarje, Prokuroria e Krimeve të Rënda, akuzon katër ish- zyrtarë të SHIK, si të implikuar në rrëmbimin e zhdukjen e tij.

Dy persona të tjerë janë rrëmbyer bashkë me biznesmenin shqiptaro- maqedonas në vitin 1995, në rrethana ende të panjohura. Edhe në këtë rast të dyshuarit janë të njëjtët persona, për të cilët vijon procesi në Gjykatën e Krimeve të Rënda.

Arben Sefgjini, ish drejtues i lartë i SHIK, është i vetmi i akuzuar i cili është paraqitur në procesin gjyqësor, që prej fillimit të tij në gjykatë. Për Budjon Meçen, një tjetër i akuzuar, dosja është ndarë për shkak të gjendjes së tij shëndetësore.

Akuza:

Kumbaro dhe dy ish- shikasit rrëmbyen biznesmenin shqiptaro- maqedonas

Ilir Kumbaro, bashkë me të pandehurit Arben Sefgjini dhe Avni Koldashi, akuzohen nga Prokuroria për Krime të Rënda dhe po gjykohen për akuzën e "rrëmbimit dhe torturimit" të shtetasve Ziso Kristopuli, Avdyl Loshaj dhe Remzi Hoxha, ngjarje kjo e ndodhur në vitin 1995.

Për këtë vepër, i pandehuri Kumbaro, tashmë i arrestuar në Angli, Gjykata e Tiranës në vitin 2000 pat caktuar masën e sigurisë "arrest me burg". Kjo masë sigurie u shfuqizua nga Gjykata e Lartë, pasi në vitin 2003 Prokuroria e Përgjithshme kishte pushuar akuzat ndaj ish-SHIK-asve të pandehur.

Ndërkohë, në Angli arrestohet i shumëkërkuari Kumbaro, çka i detyroi avokatët t'i drejtohen Gjykatës së Lartë për shuarjen e masës së sigurisë të vitit 2000, për shkak se akuzat ndaj tij ishin pushuar në vitin 2003 me urdhër të kryeprokurorit të asaj kohe.

Bazuar në këtë kërkesë të mbrojtjes, Gjykata vendosi të shuajë masën e sigurisë, çka i detyroi autoritetet angleze ta lirojnë nga qelia Kumbaron. Por, ky lirim nuk zgjati shumë, pasi Gjykata për Krime të Rënda bazuar në kërkesën e prokurorisë, i caktoi masën e sigurisë "arrest me burg" në mungesë mbi bazën e procedimit që tashmë po gjykohet. Kjo masë sigurie u ankimua në Apel, e cila e la në fuqi vendimin e Shkallës së Parë.
KLD

Duka: Akademia "Apollonia", shembull në Shqipëri

Kreu i FSHF-së ka vizituar dje Akademinë e Futbollit në Fier, duke u shprehur se organizimi është i krahasueshëm me klubet europiane. Premtohet stadiumi i ri mes Fierit dhe Vlorës

FIER - "Akademia e futbollit Apollonia është shkolla më e mirë e futbollit në Shqipëri. Edhe vetë Apollonia është një klub i organizuar më së miri dhe në këtë fushë mund të krahasohet me klubet europiane të futbollit".

Ky është vlerësimi i dhënë dje nga presidenti i Federatës Shqiptare të Futbollit, Armando Duka, gjatë një vizite në akademinë e Futbollit Apollonia. Kreu i FSHF-së ka dhënë "OK-in" e tij dje edhe për ndërtimin e një stadiumi të ri në qytetin e Fierit. Ky stadium do t'i shërbejë edhe qytetit të Vlorës.

Kreu i FSHF-së, Duka, e ka nisur vizitën dje në mesditë në ambientet e Akademisë së Futbollit të Klubit Apollonia. Të pranishëm ishin edhe Presidenti i Klubit të futbollit të Apollonisë, njëherësh edhe kryetari i bashkisë Fier, Baftjar Zeqaj, si dhe aksionari kryesor i klubit, Koço Kokëdhima.

Presidenti Zeqaj ka përshëndetur zotin Duka për kontributin e madh që ka dhënë për gjithë infrastrukturën e futbollit në qytetin e Fierit, siç është tapeti i dy anekseve të stadiumit dhe ndriçimi. "Kjo tregon se bashkëpunimi me Federatën ka qenë shumë i frytshëm dhe ambiciet tona për të ardhmen janë akoma më të mëdha", - u shpreh Zeqaj.

Ndërkohë, ai ka shtuar se është duke biseduar për ndërtimin e një stadium të ri në qytetin e Fierit, i cili do të jetë një marrëveshje midis Federatës, bashkisë Fier, bashkisë Vlorë dhe "2K Group". Ndërkohë, z. Duka në fjalën e tij është shprehur se ndjehet mirë nga ajo që ka parë dhe është ndërtuar në Klubin e Futbollit të Apollonisë.

"Mund të them se është një nga klubet më të zhvilluara në Shqipëri në drejtim të infrastrukturës dhe organizimit të klubit. Kjo është e meritë e vetë klubit Apollonia, presidentit të saj dhe stafit teknik. Apollonia është një klub i organizuar shumë mirë i krahasueshëm me nivelet europiane. Këtu ndodhen fushat e stërvitjes dhe gjithçka tjetër që i duhet një klubi sportiv.

Sot jemi këtu në këtë Akademi me një ide të bashkisë së Fierit dhe asaj të Vlorës me një stadium të përbashkët, i cili do t'iu shërbejë dy qyteteve diku në mes të rrugës Vlorë-Fier, për të cilën kërkohet edhe mbështetja e Federatës së Futbollit.

Unë i kam shprehur vullnetin e mirë të federatës dhe mund të marrim pjesë dhe ta shtyjmë këtë projekt së bashku për realizimin dhe përfundimin në një afat tre deri në katërvjeçar", - tha Duka. Ai sqaroi se eksperienca e deritanishme me klubin Apollonia ka treguar se çdo projekt që merret përsipër, realizohet. Duka ka marrë si shembull Akademinë, por edhe projektet e tjera të realizuara në Fier.

Dje në Fier, Duka ka komentuar edhe skenat e dhunës që janë parë shpesh në stadiumet shqiptare. Ai e ka konsideruar këtë si një fenomen të lidhur ngushtë me shoqërinë dhe jetën e shqiptarëve në përgjithësi. "Futbolli shqiptar ka përmirësime të dukshme, si çdo fushë tjetër e jetës, por asnjëherë nuk mund të kërkojmë që futbolli të jetë me vite dritë para shoqërisë shqiptare.

Këto janë fenomene e që e mundojnë shoqërinë shqiptare dhe mundojnë futbollin shqiptar. Detyra jonë është që të bëjmë reforma të vazhdueshme dhe të ndahemi dhe të minimizojmë këto fenomene që shfaqen në fushën tonë", - tha Armando Duka.

Berisha: Do bëj Tiranën e shekullit. Trafiku? Rama të kërkojë falje

TIRANË- Kryeministri Sali Berisha ka urdhëruar nisjen e punës për Unazën e Re të Tiranës, ka premtuar se do të jetë ai që do të ndërtojë Tiranën e shekullit dhe i ka bere apel Rames t'u kerkoje falje qytetareve per skandalin me trafikun, dy dite me pare.

Premtimi i radhës, që duket i lidhur me fushatën elektorale vendore është bërë në mbledhjen e sotme të qeverisë, ku Berisha ka vijuar sulmet ndaj bashkisë së Tiranës dhe kreut të saj Edi Rama.

"Zoti Rama u deklaroi shqiptarëve se është qeveria ajo që ka djegur kredinë për Unazën. Ky është mashtrim, ne kemi dokumentet që kjo nuk është e vërtetë dhe do e tregojmë. Ne kërkojmë grup të përbashkët pune pasi një segment i unazës shtrihej në territorin e qytetit dhe tjetri në komunën e Farkës, jashtë autoritetit të kryetarit të bashkisë së Tiranës"- tha Berisha, duke urdhëruar ministrin e Transporteve të fillojë ndërtimi dhe afati të jetë sa më i shkurtër.

Sipas tij, ky është vetëm fillimi. "U deklaroj qytetarëve se ky është vetëm fillimi i një serie projektesh që së bashku me Parlamentin, me Bibliotekën Kombëtare, Operan e të tjera do të ndërtoj Tiranën e këtij shekulli"- tha ai.

Berisha ka bere me faj bashkine dhe kreun e saj, Rama per trafikun. Sipas tij, ajo qe ndodhi ishte nje akt banditesk dhe pergjegjesit duhet te vihen para ligjit. "Nuk ka asnje faj qeveria dhe Sali Berisha se ai ne 12 vjet nuk beri asnje rruge dhe asgje per kryeqytetin. Rama t'u kerkoje falje qytetareve"- tha ai.

_____

Pislleku politik bllokon mijera qytetare
Qytetarët e Tiranës kanë nisur të vuajnë pasojën e një fushate të parakohshme elektorale për zgjedhjet vendore të 8 majit 2011. Edhe pse asnjëri prej tyre nuk e ka pranuar ende zyrtarisht se do të kandidojë për kreun e bashkisë, Edi Rama dhe Lulzim Basha janë përfshirë dje në një beteje të ashpër mediatike dhe verbale. Por, ata që e kanë pësuar ishin kryeqytetasit, të cilët për më shumë se pesë orë janë bllokuar në kaosin e tmerrshëm që zyrtarisht quhet "trafik rrugor".

Zakonisht, në ditë shiu Tirana përjeton një trafik të rënduar, por dje në ndihmë të tij u gjend mungesa e policëve në kryqëzime dhe fikja e semaforëve. Në këtë pikë, kryetari i Bashkisë së Tiranës, Edi Rama, akuzon ministrin e Brendshëm dhe kryeministrin që, sipas tij, kanë orkestruar këtë shfaqje.

Vetë kryebashkiaku, i cili ka përshkruar bulevardin "Dëshmorët e Kombit" gjatë kohës së bllokimit të rrugës, është shprehur se ky veprim i përgatitur nga qeveria ka për qëllim të egërsojë qytetarët ndaj Bashkisë së Tiranës. Kryebashkiaku Rama nënvizoi gjithashtu faktin se përgjatë kryqëzimeve nuk kishte policë trafiku. Nga ana tjetër, edhe kryeministri Berisha ka shkuar rreth 20 minuta me vonesë në një takim që kishte në qendër të kryeqytetit. As eskorta e as sirenat e policisë nuk e kanë ndihmuar Berishën që të mbërrijë në kohë në konferencën "Reformat kundër korrupsionit".

I menjëhershëm ishte reagimi i ministrit të Brendshëm, Lulzim Basha, i cili nuk ngurroi të fajësojë kryebashkiakun Rama si përgjegjës për situatën e krijuar në Tiranë. Sipas tij, policia ka pasur një mobilizim total, rreth 700 forca për të menaxhuar situatën. Por kryetari i Bashkisë së Tiranës, Edi Rama, njëherësh lideri i Partisë Socialiste, ka tjeter mendim "Unë këtu akuzoj drejtpërdrejtë për një orkestrim kriminal Ministrinë e Brendshme, pasi gjëja që qytetarët që janë gjendur sot në rrugë, siç u gjenda dhe unë dhe pata 45 min vonesë për të lëvizur nga fillimi i bulevardit në fund, kanë parë se pothuajse nuk ka pasur policë fare", - deklaroi Rama. Sipas tij, ky është "qëllim i vjetër i stërnjohur dhe i stërshfaqur në stërforma të tilla".

"Eshtë e pashembullt, është barbare, është primitive, është vulgare, është kriminale që në mes të Europës në një kryeqytet Europian të ndodhë një gjë e tillë në mënyrë të qëllimshme - tha Kryebashkiaku i Tiranës.
"Është Ministria e Brendshme, është ministri i Brendshëm, sigurisht me kryeministrin që kanë orkestruar të gjithë këtë shfaqje të pashembullt të mungesës së minimumit etik. Të mungesës së çdo sensi europianizimi dhe demokratizimi, të mungesës së minimumit të çdo qytetarie duke lënë rrugëve të bllokuar me dhjetëra-mijëra qytetarë, vetëm e vetëm që t'i egërsojnë dhe agresivizojnë ndaj Bashkisë së Tiranës", - akuzoi Edi Rama.

Por ministri i Brendshëm, Lulzim Basha, ka fajësuar Bashkinë për kaosin e shkaktuar dje pasdite në rrugët e Tiranës/
"Jemi dëshmitarë të gjithë këtu në këtë qytet se ky kaos është një variant i rënduar i kaosit të përditshëm në Tiranë. Qytetarët e Tiranës kanë kohë që po vuajnë pasojat e keqmenaxhimit të qytetit dhe të trafikut rrugor në qytet. Ky është çmimi që qytetarët e Tiranës paguajnë prej arrogancës, papërgjegjshmërisë dhe paaftësisë së Edi Ramës", - sulmoi Lulzim Basha.

Sipas tij, shkaqet e kaosit janë të qarta për këdo. Ai fajëson për këtë hapjen e punimeve pa siguruar alternativë trafiku, bllokimin e qendrës, mungesën e sinjalistikës, lënien pas dore për vite me radhë e infrastrukturës së nëndheshme, e shumë, e shumë të tjera. Ndërsa numëronte një mori akuzash për bllokimin e trafikut rrugor, drejtuesi i këtij institucioni shënjestron Edi Ramën. "Policia ka pasur një mobilizim total. Përveç mobilizimit të 300 deri 350 efektivave të pesë komisariateve të Tiranës, janë mobilizuar 100 forca të ndërhyrjes së shpejtë, 200 forca të njësisë së policisë rrugore dhe 35 forca të njësisë së autostradave, pra afro 700 forca për të menaxhuar situatën", - sqaron Basha.

Rama
"Policia e shtetit dhe përkatësisht pjesa që merret me trafikun është gjithsesi një trup e specializuar, është gjithsesi një trup e sakrifikuar, e cila realisht është në gjendje të përballojë detyrat e saj edhe pse në njëmijë e një vështirësi dhe e lënë krejt pas dore dhe kurrë nuk mund të ndodhte një bllokim i tillë dhe s'kishte asnjë arsye të ndodhte, sepse asgjë e jashtëzakonshme nuk ndodhi. E përsëris, ka orë të tëra që edhe furia e shiut ka kaluar edhe rrugët janë normalizuar dhe bllokimi vazhdon", - deklaroi kryebashkiaku i Tiranës.

Basha
"Shkaqet e kaosit janë të qarta për këdo. Hapja e punimeve pa siguruar alternativë trafiku, bllokimi i qendrës, mungesa e sinjalistikës, lënia pas dore për vite me radhë e infrastrukturës së nëndheshme etj. Përpjekja e Ramës për t'ia veshur policisë fajin është shenjë paniku e një të paafti që u ikën përgjegjësive të veta, duke kërkuar fajtorë për një përgjegjësi që është kryekëput e vetja dhe për një faj që është vetëm i tij. I bëj thirrje të rikthehet në detyrë, të mos tallet me qytetarët dhe të mbajë përgjegjësitë që ka me ligj", - akuzoi Basha.

Paralizohen krejtësisht akset kryesore të kryeqytetit. "Zhduken" semaforët dhe Policia Rrugore

Orë ferri në rrugët e Tiranës

TIRANË - Kaos në kryeqytet. Kështu mund të përkufizohet situata e pasdites së djeshme në rrugët e Tiranës. Për më shumë se pesë orë, të gjitha rrugët kryesore të kryeqytetit ishin të bllokuara nga mijëra makina.
Ndonëse kemi parë që gjatë kohërave me shi të ketë trafik të rënduar, panorama e djeshme e rrugëve të kryeqytetit ishte si asnjëherë më parë. Makinat në rrugë thuajse nuk lëviznin fare, madje shumica e tyre fiken automjetet për të shkurtuar shpenzimet e karburantit.

Në shumicën e kryqëzimeve semaforët nuk ishin në gjendje pune dhe në kryqëzime dhe në rrugët e bllokuara, nuk kishte punonjës të Policisë Rrugore. Duhet theksuar se binte shi i rrembyeshem, shoqeruar me vetetima te forta.

Krahas bulevardit "Dëshmorët e Kombit" dhe zonës së qendrës, problematike kanë qenë edhe kryqëzimi te "Zogu i Zi" dhe "Don Bosko", segmente të tëra të unazës, rruga e "Barrikadave", bulevardi "Zogu i Parë", kryqëzimi i "21 Dhjetorit", kryqëzimi i rrugës së "Elbasanit" dhe pjesa e rrugës pranë shkollës "Vasil Shanto". Mungesa e rrugëve që devijojnë kalimin në qendrën e kryeqytetit për automjete që do të dalin jashtë Tirane është një tjetër arsye pse rëndohet trafiku, sidomos në qendër të qytetit.
Ndërsa mendohej se me pushimin e shiut të vrullshëm do të mundej që situata t'i kthehej normalitetit, kjo nuk ndodhi. Mungesa e sinjalistikës së nevojshme apo orientimit të automjeteve, të cilat i drejtoheshin daljes së kryeqytetit apo hynin në të, ka sjellë vijimin e bllokimit të rrugëve. Por rreth 30 minuta pas deklaratave të Ramës dhe Bashës, situata u kthye në normalitet.

'Koreja', Obama: Përgjigje e matur

Presidenti i SHBA Barak Obama ka riafirmuar angazhimin e vendit të tij për të mbrojtur Korenë e Jugut gjatë një bisede telefonike me presidentin koreanojugor Li Myung - Bak dhe është zotuar se do të punojë edhe me vendet e tjera për " të dënuar ashpër" sulmin vdekjeprurës me artileri që Koreja e Veriut ndërmori ndaj një ishulli të Koresë së Jugut.

Në një njoftim të shpërndarë mbrëmë në Uashington, Shtëpia e Bardhë bën me dije se dy presidentët ranë gjithashtu dakord që të zhvillojnë stërvitje të kombinuara ushtarake dhe të zgjerojnë trajnimet për të treguar forcën e aleancës së tyre.

Z. Obama i tha gjithashtu z. Lee se " lutjet dhe mendimet " e popullit amerikan janë me familjet e dy marinarëve koreanojugor të cilët u vranë dhe 18 të tjerëve - mes tyre 3 civilë - të cilët u plagosën në sulmin e mëngjesit të së martës.

Sulmi, i cili u krye teksa forcat e Koresë së Veriut po zhvillonin një stërvitje ushtarake në ishullin që është 12 kilometra larg bregdetit të Koresë së Veriut, shkaktoi një shkëmbim të zjarrit të artilerive, çka ishte ballafaqimi më dramatik mes dy palëve, që nga mbyllja e luftës koreane në vitin 1953.

Koreja e Jugut ka paralajmëruar Veriun se do të reagojë ashpër ndaj çdo provokimi tjetër, pasi dhjetra predha artilerie goditën një ishull koreanojugor.

Presidenti koreanojugor, Presidenti Lee Myung-bak dha urdhër që ushtria të reagonte me sulm me raketa ndaj Koresë së Veriut, nëse siç u shpreh, "do të ketë provokime të mëtejshme".

Veriu dhe Jugu kanë fajësuar njëri-tjetrin si shkaktar të fillimit të incidentit që cilësohet si më i rëndi që prej fundit të Luftës Koreane.

Incident i rëndë

Dy ushtarë u vranë dhe rreth 50 persona të tjerë u plagosën nga predhat që ranë në ishullin koreanojugor që ndodhet shumë pranë kufirit mes të dyja vendeve.

Imazhi i shtëllungave të tymit që ngriheshin nga predhat dhe i një fshati që digjej ishte diçka që shumë koreanë kanë shpresuar të mos e shikonin kurrë më.

Zjarri i artilerisë goditi një ishull të vogël koreanojugor Yeonpyong, që ndodhet pranë kufirit koreanojugor.

Ushtria koreanojugore qëlloi me 80 predha si reagim, duke shkaktuar atë që e quajti "dëm të konsiderueshëm."

Të dyja palët fajësojnë njëra-tjetrën, megjithëse duke patur parasysh provokimet e mëparshme, Koreja e Veriut mund të shihet nga shumë vëzhgues neutralë si fajtori i mundshëm.

Reagime nga jashtë

Ka shumë nga ata që do të pyesin se çfarë do të thotë ky episod i fundit për politikat e brendshme të turbullta të Phenianit.

Incidenti vjen në një periudhë të rrezikshme tranzicioni, kur lideri Kim Jong e kalon pushtetin tek djali i tij më i vogël.

Incidenti është dënuar nga SHBA-ja dhe Rusia, megjithëse Kina, aleatja kryesore e Koresë së Veriut, ka refuzuar të emërojë fajtorin.

Një zyrtar i Shtëpisë së Bardhë tha se Pheniani duhet të ndalë veprimet kokëforte.

Ministri i Jashtëm rus, Sergei Lavrov, foli për një rrezik kolosal dhe shtoi se ata që e iniciuan zjarrin e artilerisë duhet të mbanin përgjegjësi të plotë.

Në kontrast Pekini, që shumë rrallë e kritikon Phenianin, u bëri thirrje të dyja palëve për paqe dhe stabilitet.