UPDATE- Një automjet me targa Tirane ka shpërthyer mëngjesin e sotëm, ndërkohë që drejtuesi i tij, Admirin Sulaj, 34-vjec ka mbetur i plagosur.
Ngjarja ka ndodhur në rrugën e Elbasanit pranë Fakultetit të Gjuhëve të Huaja në Tiranë, kur ka shpërthyer gjatë ecjes, automjet tip Mitsubishi me targë Tr. 2029 T.
Menjëherë në vendin e ngjarjes shkoi grupi i posaçëm hetimor, Ekspertë të Njësisë së Specializuar Antieksploziv dhe Oficerë të hetimit të krimit të cilët aktualisht janë duke kryer ekzaminime dhe ekspertime për këtë ngjarje.
Paraprakisht nga grupi hetimor dyshohet se automjeti tip Mitsubishi, ka shpërthyer në pjesën e përparme si pasojë e vendosjes së një sasie lënde eksplozive, duke plagosuar drejtuesin shtetasin Admir Sulaj, i cili u dërgua menjëherë në spital ku aktualisht po merr ndihmën e parë mjekësore dhe ndodhet jashtë rrezikut për jetën.
"Grupi hetimor në vendngjarje nën drejtimin e Prokurorit dhe nën drejtimin e drejtuesve të Policisë së Tiranës, po kryejnë ekzaminimet, hetimet dhe veprimet e para hetimore e proçeduriale me synim zbardhjen e rrethanave të këtij shpërthimi"- thone burimet e policise.
Nessun commento:
Posta un commento