"Gërdeci", rrëzohet kërkesa për lirim e Minxollit

“Gërdeci”, rrëzohet kërkesa për lirim e MinxollitTIRANE-Gjykata e Shkallës së Parë e Tiranës rrëzoi sot kërkesën për lirim të Dritan Minxolli, i pandehur në cështjen “Gërdeci”, së bashku me Mihal Delijorgjin e Ylli Pinarin.

Avokati Arben Prifti mbështeti kërkesën e tij tek afati i dosjes së klientit, që sipas tij “ka kaluar një vit nga dërgimi i saj në gjykatë”.

Por, trupi gjykues vlerësoi sot se nuk ka përfunduar afati i paraburgimit që pretendon i pandehuri, pasi sipas gjykatës kanë mbetur afat dhe 2 muaj e 18 ditë burg. Trupi gjykues vlerësoi se kërkesa ishte e pabazuar në ligj dhe prova, duke hequr kështu shpresat se Minxolli lirohej.
Menjëherë ka reaguar avokati tjetër i të pandehurit, Maksim Haxhija që theksoi se vendimi i sotëm i Gjykatës së Shkallës së Parë është antikushtetues dhe në kundërshtim me ligjin dhe është larguar nga seanca së bashku me avokatin Prifti.

Gjyqi për Gërdecin është një ndër gjyqet më të mëdha në historinë e drejtësisë shqiptare. Në fabrikën e demontimit, e cila shpërtheu më 15 mars 2008, humbën jetën 26 persona dhe u plagosën 300 të tjerë. Prokuroria, për tragjedinë e rëndë ka vënë nën akuzë 29 persona, mes tyre Mihal Delijorgjin, administrator i "Albademil", Ylli Pinarin, ish-kreu i MEICO-s, si dhe ish-krerët më të lartë të ushtrisë shqiptare. Dritan Minxolli ishte përgjegjësi i fabrikës së demontimit të armëve.

(d.b/BalkanWeb)