Flamur Noka: Nuk jemi parti e Bahri Shaqirit ne që të mendojmë vetëm për buxhetin e SHISH-it
Të majtët mbështesin rritjen e fondeve me 100 milionë lekë për Shërbimin Informativ Shtetëror
TIRANË - Mazhoranca tregon edhe njëherë "dhëmbët" ndaj Shërbimit Informativ Shtetëror. Kërkesa e kreut të SHISH-it për rritjen e fondeve ndaj këtij institucioni ka hasur në kundërshtimin e deputetëve të djathtë në Komisionin e Ekonomisë, i cili në cilësinë e komisionit përgjegjës ishte mbledhur dje për miratimin e raporteve të komisioneve të tjera për projektbuxhetin e vitit 2011.
Dy ditë më parë, kreu i SHISH-it, Bahri Shaqiri, kërkoi nga Komisioni për Sigurinë rritjen e fondit të përcaktuar për këtë institucion me arsyetimin se shuma e përcaktuar nuk lejonte vijimin normal të aktivitetit.
"Nuk ka buxhet për të përballuar shpenzimet për punonjësit që udhëtojnë dhe dërgohen me shërbime. E si do t'i realizojë detyrat ky shërbim, nëse nuk ka fondet e mjaftueshme", - mësohet të jetë shprehur dy ditë më parë ai para deputetëve, duke iu kërkuar atyre ndihmën për rritjen e buxhetit.
Sipas Shaqirit, SHISH-it i nevojiten më shumë fonde për shpenzimet operative dhe për investimet, kryesisht në teknologji, pasi ajo është e amortizuar. Fondet e kërkuara prej këtij institucioni për shpenzimet operative janë rreth 470 milionë lekë dhe 115 milionë lekë për investime.
Pas këtij apeli, Komisioni i Sigurisë i drejtuar nga Leonard Demi ra dakord në mënyrë unanime për të kërkuar shtesë fondi për SHISH-in në vlerën e 100 milionë lekëve. Rreth 40 milionë lekë janë kërkuar të shtohen në zërin e investimeve, ndërsa 60 milionë të tjera në zërin e shpenzimeve për paga dhe shërbime.
Pas miratimit, kërkesa ka arritur dje në Komisionin e Ekonomisë, i cili duhet të miratojë të gjithë raportet e komisioneve të tjera që kanë të bëjnë me buxhetin.
Edhe pse kërkesa kishte kaluar me miratimin edhe të deputetëve të mazhorancës në Komisionin e Sigurisë, ajo ka shkaktuar diskutime në Komisionin e Ekonomisë. "Komisioni i sigurisë ka miratuar në unanimitet kërkesën që ka pasur nga SHISH për rritjen e buxhetit me 100 milionë lekë, gjë që komisioni duhet ta ketë parasysh. Kjo kërkesë është konsideruar e drejtë dhe normal për mirëfunksionimin e këtij institucioni", - tha nënkryetarja e Komisionit, Mimi Kodheli.
Por, e menjëhershme ka qenë përgjigja e deputetit demokrat, Flamur Noka, duke u shprehur se PD nuk është partia e Bahri Shaqirit që të mendojë vetëm për buxhetin e SHISH, siç po bënin, sipas tij, kolegët e majtë. "Jemi vizionarë ne, nuk jemi partia e Bahri Shaqirit. Nuk e kemi atë kryetar që të mendojmë vetëm për buxhetin e SHISH", - tha Noka. Këtu është mbyllur edhe mbledhja e Komisionit dhe deputetët kanë dalë nga salla.
Buxheti është epilogu i përplasjeve të mazhorancës me Shërbimin Informativ Shtetëror. Në verën e këtij viti, deputeti Fatos Hoxha kishte propozuar një draft për funksionimin e këtij institucioni, i cili parashikonte shkarkimin e Shaqirit brenda gjashtë muajve dhe emërimin e një personi tjetër në vend të tij. Madje, kjo është bërë pjesë edhe e diskutimeve për buxhetin dy ditë më parë, ku Hoxha ka mbështetur draftin e tij të disa ditëve më parë.
Mazhoranca dhe opozita përplasen për buxhetin e Shërbimit Informativ Shtetëror
Dy ditë më parë, Komisioni i Sigurisë kishte kërkuar rritje të fondeve për SHISH, por kjo është shoqëruar me debate të ashpra në Komisionin e Ekonomisë
Opozita mbështet rritjen e fondeve për Shërbimin Informativ Shtetëror
Fillimisht ishte rënë dakord që SHISH-it t'i rritej fondi me 100 milionë lekë
Nessun commento:
Posta un commento